គម្រោងកុមារកម្ពុជារីករាយ (HCC) បានរៀបចំ កម្មវិធីចែកអាហារូបករណ៍ដល់កុមារងាយរងគ្រោះ និងក្រីក្រ នៅសាលាបឋមសិក្សាវត្តថ្មី និងសាលាបឋមសិក្សាហាន់ជ័យ ដែលស្ថិតនៅក្នុងខេត្តកំពង់ចាម ដោយមានការចូលរួមពីប្រធានការិយាល័យស្រុកកំពង់សៀម ក្រុមប្រឹក្សាឃុំ មេភូមិ នាយក នាយករង លោកគ្រូ អ្នកគ្រូ សិស្សានុសិស្ស អាណាព្យាបាល និងឪពុកម្តាយសិស្ស។

កម្មវិធីនេះ ជំរុញឱ្យអាណាព្យាបាលសិស្សយកចិត្តទុកដាក់លើការសិក្សា និងតាមដានការសិក្សារៀនសូត្ររបស់កូនឱ្យបានទៀងទាត់ទាំងនៅសាលា និងនៅផ្ទះ។

សាលារៀនទាំងពីរខាងលើមានសិស្សសរុបចំនួន៦០ នាក់ដែលទទួលបានអាហារូបករណ៍ពីគម្រោង ក្នុងនោះសិស្សម្នាក់ទទួលបាន សម្លៀកបំពាក់ ពីរកំប្លេ កាតាបមួយ  សៀវភៅ១០ ក្បាល ប៊ិក៤ដើម ចំពោះសិស្សដែលមានផ្ទះនៅឆ្ងាយពីសាលារៀននឹងទទួលបានកង់មួយ។

គម្រោងកុមារកម្ពុជារីករាយ នឹងបន្តចែកអាហារូបករណ៍ដល់សិស្សក្រីក្រតាមសាលារៀនគោលដៅទាំងអស់របស់ខ្លួនចំនួន ៥៥សាសា នៅក្នុងខេត្តកំពង់ចាម ត្បូងឃ្មុំ ក្រចេះ សៀមរាប និងរតនគិរី ដែលមានសិស្សអាហារូបករណ៍ចំនួន១១០០ នាក់៕