នៅថ្ងៃទី២០ ខែឧសភា ឆ្នាំ២០២៥៖ អង្គការ ខេប បានរៀបចំកិច្ចប្រជុំដ៏មានសារៈសំខាន់មួយតាមប្រព័ន្ធអនឡាញ ដែលជាការចាប់ផ្តើមដំណើរការគម្រោង ការត្រៀមខ្លួនរបស់អាស៊ានដើម្បីទទួលយកបញ្ញាសិប្បនិម្មិត ដែលជាគម្រោងបរិវត្តន៍កម្មឈានមុខគេផ្នែកអក្ខរកម្មឌីជីថលនៅទូទាំងប្រទេសកម្ពុជា។ កិច្ចប្រជុំនេះបានធ្វើឡើងនៅម៉ោង ៩:០០ព្រឹក ដោយមានការចូលរួមពីភាគីពាក់ព័ន្ធសំខាន់ៗ រួមទាំងតំណាងមកពីអង្គការមូលនិធិអាស៊ាន និងអង្គការ ខេប ដើម្បីរៀបចំគោលដៅ ចែករំលែកពីវឌ្ឍនភាព និងការរៀបចំផែនការសម្រាប់ប្រតិបត្តិគម្រោងឱ្យមានផលជះ។

គម្រោងនេះទទួលការគាំទ្រពី Google.org ដែលជាផ្នែកមួយនៃសកម្មភាពសប្បុរសធម៌របស់ក្រុមហ៊ុន Google ដែលបានផ្តល់ហិរញ្ញប្បទានដល់គម្រោង ការត្រៀមរបស់អាស៊ានដើម្បីទទួលយកបញ្ញាសិប្បនិម្មិត (AI RAP) ដើម្បីជំរុញការអប់រំបច្ចេកវិទ្យា និងបរិយាបន្នឌីជីថលសកល។  ខេបដែលជាអង្គការមិនមែនរដ្ឋាភិបាលបានឈានមុខផ្នែកអប់រំ និងកំពុងដឹកនាំកិច្ចខិតខំប្រឹងប្រែងនេះដោយធ្វើការជាមួយសាលារៀនចំនួន ៤០០ និងគ្រូបង្គោលចំនួន ១១៨នាក់ ដើម្បីធ្វើសកម្មភាពលើកកម្ពស់ការយល់ដឹង និងម៉ូឌុលអក្ខរកម្មបរិបទកម្មបញ្ញាសិប្បនិម្មិត។ កិច្ចប្រជុំបានបញ្ជាក់ពីការសហការយ៉ាងរឹងមាំជាមួយក្រសួងអប់រំ យុវជន និងកីឡា និងក្រសួងប្រៃសណីយ៍ និងទូរគមនាគមន៍ ដើម្បីធានាក្របខ័ណ្ឌរឹងមាំសម្រាប់បរិវត្តន៍កម្មឌីជីថល។

លោក ស សុផាណាក់ ដែលជាអ្នកសម្រួលសម្រួលគម្រោង បានសង្កត់ធ្ងន់លើការរួមចំណែករបស់អង្គការ ខេប ក្នុងកម្មវិធីអក្ខរកម្មឌីជីថល រួមទាំងការអភិវឌ្ឍក្របខ័ណ្ឌអក្ខរកម្មប្រព័ន្ធផ្សព្វផ្សាយឌីជីថល និងព័ត៌មាន និងប្រព័ន្ធគ្រប់គ្រងការសិក្សាដោយសហការជាមួយក្រសួងប្រៃសណីយ៍ និងទូរគមនាគមន៍។ ការសហការនេះបញ្ជាក់ពីការប្តេជ្ញាចិត្តក្នុងការបំពាក់បំប៉នជំនាញសតវត្សរ៍ទី២១ ដល់យុវជនកម្ពុជា។

ផែនការការងារគម្រោងដែលបានបង្ហាញក្នុងកិច្ចប្រជុំនេះ បានគូសបញ្ជាក់អំពីផែនទីបង្ហាញផ្លូវច្បាស់លាស់សម្រាប់ឆ្នាំ២០២៥ និងឆ្នាំ២០២៦។ ចំណុចសំខាន់ៗរួមមាន៖

• ការជ្រើសរើសសាលា និងគ្រូបង្គោល៖ អង្គការ ខេប បានបញ្ចប់ការជ្រើសរើសសាលារៀនចំនួន ៤០០ និងគ្រូបង្គោលចំនួន ១១៨នាក់ ដើម្បីត្រៀមសម្រាប់ការបន្តបណ្តុះបណ្តាលអក្ខរកម្មបញ្ញាសិប្បនិម្មិតឱ្យបានទូលំទូលាយ។
• យុទ្ធនាការលើកកម្ពស់ការយល់ដឹង៖ គ្រោងនឹងចាប់ផ្តើមនៅសប្តាហ៍ទីបីនៃខែឧសភា យុទ្ធនាការនេះនឹងប្រើប្រាស់បណ្តាញរបស់ក្រសួងអប់រំ យុវជន និងកីឡា ដើម្បីចូលរួមជាមួយបុគ្គលិកសំខាន់ៗនៅសាលានីមួយៗ ដើម្បីធានាការផ្សព្វផ្សាយធនធានអក្ខរកម្មបញ្ញាសិប្បនិម្មិតឱ្យមានប្រសិទ្ធភាព។
• លិខិតតែងតាំង៖ លិខិតតែងតាំងផ្លូវការពីក្រសួងអប់រំ យុវជន និងកីឡា នឹងធ្វើឱ្យការចូលរួមរបស់សាលារៀនមានលក្ខណៈផ្លូវការ ដោយមានការពិភាក្សាគ្រោងនឹងធ្វើនៅខែឧសភា ដើម្បីបញ្ចប់ដំណើរការនេះ។
• ការបើកសម្ពោធគម្រោង៖ ការបើកសម្ពោធផ្លូវការនឹងគ្រោងធ្វើនៅខែមិថុនា ឆ្នាំ២០២៥ ដែលដំណើរការនេះកំពុងធ្វើដើម្បីសហការជាមួយក្រសួងលើការអញ្ជើញ។
• ការធ្វើមូលដ្ឋានីយកម្មកម្មវិធីសិក្សា និងការបណ្តុះបណ្តាល៖ អង្គការ ខេប កំពុងរង់ចាំម៉ូឌុលអក្ខរកម្មបញ្ញាសិប្បនិម្មិតចុងក្រោយពីដៃគូដើម្បីចាប់ផ្តើមធ្វើមូលដ្ឋានីយកម្មសម្រាប់បណ្តុះបណ្តាលគ្រូដែលគ្រោងនៅរៀបចំធ្វើនៅខែសីហា។

លើសពីការប្រតិបត្តិផ្នែកបច្ចេកទេស គម្រោងការត្រៀមខ្លួនរបស់អាស៊ានដើម្បីទទួលយកបញ្ញាសិប្បនិម្មិតនឹងផ្តល់អាទិភាពលើផលជះដល់មនុស្ស ដើម្បីបង្ហាញពីថាមពលបរិវត្ដន៍កម្មអក្ខរកម្មឌីជីថល។ លោកស្រី អ៊ីនតាន់ ជាមន្ត្រីគម្រោង បានសង្កត់ធ្ងន់លើសារៈសំខាន់នៃការចងក្រងឯកសារ ដើម្បីបញ្ជាក់ពីផលជះជាក់ស្តែងរបស់គម្រោងលើសិស្ស គ្រូបង្រៀន និងសហគមន៍។

នៅពេលកម្ពុជាទទួលយកយុគសម័យឌីជីថល គម្រោងការត្រៀមខ្លួនរបស់អាស៊ានដើម្បីទទួលយកបញ្ញាសិប្បនិម្មិតរបស់អង្គការ ខេប គឺជាពន្លឺនៃវឌ្ឍនភាព។ តាមរយៈការជំរុញការសហការរវាងរដ្ឋាភិបាល អង្គការមិនមែនរដ្ឋាភិបាល និងស្ថាប័នអប់រំ គម្រោងនេះមានគោលបំណងផ្តល់សិទ្ធិអំណាចដល់មនុស្សជំនាន់ថ្មីនូវជំនាញដើម្បីភាពរីកចម្រើននៅក្នុងពិភពនៃបច្ចេកវិទ្យាបញ្ញាសិប្បនិម្មិត។

ដើម្បីយល់ដឹងឱ្យកាន់តែច្បាស់ សូមចុចតំណភ្ជាប់ https://kapekh.org/kh/what-we-do/16/?pro_id=57 នេះដើម្បីអានខ្លឹមសារទាំងមូលរបស់គម្រោង AI RAP!៕