ការបណ្តុះបណ្តាលគ្រូឧទ្ទេស (ToT) ស្ដីពី ម៉ូឌុលអភិវឌ្ឍន៍ភាពជាអ្នកដឹកនាំ ត្រូវបានរៀបចំឡើងនៅថ្ងៃទី២៣-២៦ ខែមិថុនា ឆ្នាំ២០២៥ នៅមន្ទីរអប់រំ យុវជន និងកីឡាខេត្តតាកែវ ហើយមានបំណងផ្តល់សិទ្ធិអំណាចដល់គ្រូឧទ្ទេសរបស់ក្រសួងអប់រំ យុវជន និងកីឡា​ និងអង្គការ ខេប នូវជំនាញ និងចំណេះដឹងដ៏មានប្រសិទ្ធភាពលើការប្រើប្រាស់ឯកសារម៉ូឌុលអភិវឌ្ឍន៍ភាពជាអ្នកដឹកនាំ។ សិក្ខាសាលានេះរៀបចំឡើងដោយមានគោលបំណងចំនួនបួន រួមមាន៖

 

• បង្កើនការឈ្វេងយល់អំពីសៀវភៅណែនាំការអភិវឌ្ឍភាពជាអ្នកដឹកនាំ (LDM) និងវិធីសាស្ត្រ
• ដល់គ្រូឧទ្ទេសមកពីក្រសួងអប់រំ យុវជន និងកីឡា និងអង្គការ ខេប ។
• ផ្តល់ឱកាសគ្រូឧទ្ទេសអនុវត្ត និងឆ្លុះបញ្ចាំងពីសៀវភៅណែនាំ LDM និងខ្លឹមសារទាក់ទងនឹង GESI ។
• ប្រើប្រាស់ថ្នាលអភិវឌ្ឍសមត្ថភាព (CDP) ឱ្យមានប្រសិទ្ធភាពសម្រាប់គ្រូឧទ្ទេស។
• បញ្ជាក់ពីតួនាទី និងទំនួលខុសត្រូវរបស់គ្រូឧទ្ទេសដើម្បីដោះស្រាយបញ្ហាប្រឈមនានាក្នុងការបណ្តុះបណ្តាលប្រកបដោយសក្តានុពល។

 

សិក្ខាសាលាយៈពេល៤ថ្ងៃនេះបានគ្របដណ្តប់លើប្រធានបទដ៏ទូលំទូលាយជាច្រើន ដែលជាការរៀបចំកសាងនូវចំណេះដឹង និងជំនាញប្រកបដោយវឌ្ឍនភាពដូចខាងក្រោម៖

 

• ការណែនាំអំពីសៀវភៅ LDM៖ សាវតាកម្មវិធីអភិវឌ្ឍន៍ភាពជាអ្នកដឹកនាំ (LDP) ក្របខ័ណ្ឌអភិវឌ្ឍន៍វិជ្ជាជីវៈជាប្រចាំ (CDPF) គោលបំណង LDP ដំណាក់កាលទី២ និងរចនាសម្ព័ន្ធសៀវភៅណែនាំការអភិវឌ្ឍភាពជាអ្នកដឹកនាំសម្រាប់គ្រូឧទ្ទេស និងសិក្ខាកាម។
• ការអភិវឌ្ឍន៍វិជ្ជាជីវៈជាប្រចាំ (CPD)៖ ការយល់ដឹងអំពីក្របខ័ណ្ឌ CPD និងភាពជាប់ទាក់ទងជាមួយ LDM។
• បរិយាបន្នសមភាពយេនឌ័រ និងសង្គម (GESI)៖ គោលការណ៍ សមាហរណកម្មការបណ្តុះបណ្តាល និងការគិតគូរលើភស្តុភារ។
• គោលគំនិតភាពជាអ្នកដឹកនាំស្នូល៖ មេរៀនស្តីពីការណែនាំភាពជាអ្នកដឹកនាំ ភាពជាអ្នកដឹកនាំធៀបនឹងការគ្រប់គ្រង ជំនាញទំនាក់ទំនង ការប្រឹក្សាគរុកោសល្យ និងការងារគម្រោង។
• ជំនាញផ្ដល់ការបណ្តុះបណ្តាល៖ បច្ចេកទេសសម្រាប់ការធ្វើបទបង្ហាញ ការចូលរួមរបស់សិក្ខាកាម និងការប្រើប្រាស់ ICT ប្រកបដោយប្រសិទ្ធភាព។
• ថ្នាលបណ្ដុះបណ្តាលវិជ្ជាជីវៈជាប្រចាំ (CPD) តាមអនឡាញ៖ ការតម្រង់ទិសជាក់ស្តែងសម្រាប់ការគ្រប់គ្រងថ្នាលបណ្តុះបណ្ដាល។
• ការដោះស្រាយបញ្ហាប្រឈម៖ យុទ្ធសាស្ត្រដើម្បីជម្នះបញ្ហា ដូចជា ការចូលទៅប្រើអ៊ីនធឺណិតដែលមានកម្រិត ឬបន្ទុកការងារច្រើនពេក។
• ការអនុវត្តនៅកន្លែងធ្វើការ និងយន្តការមតិត្រឡប់៖ ការណែនាំអំពីគម្រោងអនុវត្តនៅកន្លែងធ្វើការ និងយន្តការមតិត្រឡប់។
• ការបណ្តុះបណ្តាលអំពីភស្តុភារ៖ ការរៀបចំកាលវិភាគ ការបែងចែកក្រុម និងការសម្របសម្រួលក្រុម។
• កិច្ចការក្រុម៖ ការរៀបចំផែនការសម្ភារៈបណ្តុះបណ្តាលជាក្រុម។

 

ការបណ្តុះបណ្តាលបានប្រើប្រាស់វិធីសាស្ត្រអន្តរកម្ម និងគោលវិធីជាក់ស្តែង ដែលរួមមាន៖

 

• បទបង្ហាញអន្តរកម្ម៖ វគ្គអន្តរកម្មដោយមានទាំងសំណួរ និងចម្លើយ។
• សកម្មភាពកម្តៅសាច់ និងបង្កើនថាមពល៖ ដើម្បីរក្សាថាមពល និងបង្កើតបរិយាកាសឱ្យមានភាពស្រណុកស្រួល។
• សកម្មភាពជាក់ស្តែង និងការក្លែងធ្វើ៖ ផ្តោតលើមេរៀន GESI និងមេរៀន LDM។
• ការងារក្រុម៖ កិច្ចការសហការសម្រាប់ការអនុវត្តជាក់ស្តែង។
• ការអនុវត្តថ្នាលបណ្តុះបណ្តាល៖ បទពិសោធន៍ជាក់ស្តែងដែលមានថ្នាលអភិវឌ្ឍន៍វិជ្ជាជីវៈជាប្រចាំ (CPD)។
• បទបង្ហាញមេរៀន៖ ជាឱកាសសម្រាប់គ្រូឧទ្ទេសអនុវត្ត និងទទួលបានមតិត្រឡប់។
• វគ្គឆ្លុះបញ្ចាំង៖ លើកកម្ពស់មេតាគតិកម្ម (ការយល់ដឹង) និងការធ្វើសមាហរណកម្មសិក្សា។
• ការធ្វើតេស្តដើមគ្រា និងចុងគ្រា៖ វាយតម្លៃការទទួលបានចំណេះដឹង។

 

ការបណ្តុះបណ្តាលមានការចូលរួមយ៉ាងខ្លាំងក្លា និងមានលក្ខណៈដូចខាងក្រោម៖

 

• សកម្មភាពកម្តៅសាច់ និងរំឮកមេរៀន។
• សកម្មភាពក្រុមជាក់ស្តែង និងការដាក់កិច្ចការធ្វើ។
• វគ្គសំណួរ និងចម្លើយ។
• បទបង្ហាញមេរៀន និងមតិត្រឡប់ពីសិក្ខាកាមរួមគ្នា។
• គន្លឹះសម្រាប់បង្កើនការចូលរួម ដូចជា ការប្រើប្រាស់ ICT និងការធ្វើពិពិធកម្មសកម្មភាព។

 

វិធីសាស្ត្រទាំងនេះធានាការសិក្សាសកម្ម និងគំរូភាពចូលរួមសម្រាប់គ្រូឧទ្ទេសនាពេលអនាគត។ សិក្ខាកាមទទួលបាន៖

• ចំណេះដឹងទូលំទូលាយពីសៀវភៅ LDM៖ ការយល់ដឹងស៊ីជម្រៅលើមេរៀនសៀវភៅ LDM។
• សមត្ថភាពផ្នែក GESI៖ ជំនាញក្នុងការធ្វើសមាហរណកម្មបរិយាបន្ននៅក្នុងការបណ្តុះបណ្តាល។
• ជំនាញថ្នាលបណ្តុះបណ្តាលវិជ្ជាជីវៈជាប្រចាំ
• ឬ CPD៖ សមត្ថភាពក្នុងការគ្រប់គ្រងថ្នាលបណ្តុះបណ្តាល។
• ការពង្រឹងជំនាញផ្តល់ការបណ្តុះបណ្តាល៖ ការលើកកម្ពស់បច្ចេកទេសធ្វើបទបង្ហាញ និងការចូលរួម។
• យុទ្ធសាស្ត្រដោះស្រាយបញ្ហា៖ ឧបករណ៍ដើម្បីដោះស្រាយបញ្ហាប្រឈមក្នុងពេលបណ្តុះបណ្តាល។
• ការរៀបចំផែនការសហការ៖ បទពិសោធន៍ក្នុងការរៀបចំសម្ភារៈជាក្រុម។
• ការអនុវត្តនៅកន្លែងធ្វើការ៖ ការធ្វើបណ្តាញបណ្តុះបណ្តាលទៅនឹងសេណារីយ៉ូជាក់ស្តែង។

 

ការបណ្តុះបណ្តាលគ្រូឧទ្ទេសនេះទទួលបានជោគជ័យខ្ពស់ ដោយសម្រេចបាននូវគោលបំណងរបស់ខ្លួនតាមរយៈកម្មវិធីដែលមានរចនាសម្ព័ន្ធល្អ ផ្អែកលើគោលការណ៍សិក្សាសម្រាប់មនុស្សធំ។ ការគ្របដណ្តប់យ៉ាងទូលំទូលាយនៃខ្លឹមសារសៀវភៅណែនាំ LDM វគ្គអនុវត្តជាក់ស្តែង ការធ្វើសមាហរណកម្ម GESI និងការបណ្តុះបណ្តាលថ្នាល បានផ្តល់នូវមូលដ្ឋានគ្រឹះដ៏រឹងមាំសម្រាប់គ្រូឧទ្ទេស។ វិធីសាស្ត្រសកម្មក្នុងការដោះស្រាយបញ្ហាប្រឈម និងការប្រើប្រាស់តេស្តដើមគ្រានិងចុងគ្រា បានបញ្ជាក់ពីការប្តេជ្ញាចិត្តចំពោះលទ្ធផលសិក្សាប្រកបដោយប្រសិទ្ធភាព។ ការបណ្តុះបណ្តាលនេះបានបំពាក់បំប៉នគ្រូឧទ្ទេសរបស់អង្គការ ខេប និងក្រសួងអប់រំ យុវជន និងកីឡា ឱ្យក្លាយជាអ្នកសម្របសម្រួលប្រកបដោយប្រសិទ្ធភាពលើការអភិវឌ្ឍភាពជាអ្នកដឹកនាំនៅប្រទេសកម្ពុជា ដែលរួមចំណែកយ៉ាងសំខាន់ដល់គោលបំណងនៃកម្មវិធីអភិវឌ្ឍន៍ភាពជាអ្នកដឹកនាំ៕

 

 

#MoEYLDP #kapeprojects #KAPECapacityBuilding